LA UNION – Napintas iti ar-aramiden a panagsagana ti Gilas Pilipinas para iti 2024 FIBA Olympic Qualifying Tournament.
Daytoy ket kalpasan a pinarmek da iti Taiwan Mustangs, 74-64, iti ay-ayam dagitoy idi kalman idiay Philsport Arena, Pasig City.
Iti panangabak ti Gilas ket indaulwan ni Dwight Ramos a nakailista ti 19 points, tallo a rebounds bayat a ni Justin Brownlee ket naka-aramid ti 12 points, 15-assists ken lima a rebounds.
Kalpasan ti lima a puntos a lamang iti first half, immarangkada met ti Gilas idi simrek ti third quarter.
Agturongen ti Gilas Pilipinas idiay Europa ket umuna a makasango da iti Turkey inton Hunyo 27 ken Poland inton June 30 para iti baro a tune up games.
Sumaruno a makasango da bunggoy ti Latvia ken Georgia iti Olympic Qualifier Tournament.
