Nangrugin ti Gilas Pilipinas iti 10 nga aldaw a panagsanay para ti second window ti FIBA World Cup Asian Qualifiers.
Segun kenni Gilas head coach Tim Cone, adda dagiti sumagmamano a panagbalbaliw iti lineup ti national basketball team.
Innalada para iti ensayo ni Justine Baltazar nga addaan ti average 14.8 points ken 14.2 rebounds.
Agserbi isuna a tulong iti kinaawan da Kai Sotto ken Quentin Millora-Brown.
Innayon pay ni Cone a nagdesisyon ni Millora-Brown a saan pay laeng a sumali iti Gilas Pilipinas bayat a ni Sotto ket naggapo iti injury ken adda pay ti torneo a pakisalipanna idiay Japan.
Iti umuna nga aldaw ti session ket dimmar-ay da Justine Brownlee, June Mar Fajardo, Scottie Thompson, Calvin Oftana, Cjay Perez, Chris Newsome, RJ Abarrientos, ken Troy Rosairo.
Sanguen ti Gilas iti New Zealand inton Pebrero 26 bayat nga Australia met inton Marso 1.
