Nangrugin iti intense training iti Gilas Pilipinas para iti maikadua a window ti FIBA Asia Cup 2025 Qualifiers.
Segun kenni Gilas coach Tim Cone, agtalinaed paylaeng ti Gilas Pilipinas iti training camp da idiay Calamba, Laguna.
Gapo iti limitado nga oras ti training, nadesisyonan ti Gilas a saan paylaeng nga aramiden ti public practice a kas iti kadawyan nga araramiden da.
Innayon met ni coah Cone a saan nga umdas ti oras da isu ket usaren da paylaeng ti nabatbati a panawen para iti intense training.
Iti sabali a bangir, ranked 34 itan ti Gilas Pilipinas kenn makasango da iti ranked 22 a New Zealand para iti umay a Nobyembre 21 bayat nga inton Nobyembre 24 met ket makasango ti bunggoy iti ranked 117 nga Hong Kong.
Maangay ti ay-ayam dagitoy idiay Mall of Asia Arena.
