LA UNION -Maaddaan ti gundaway iti GILAS Pilipinas a makastrek iti FIBA Asia Cup tournament nu ma-sweep da ti maikadua a window qualifiers kontra Hong Kong ita nga aldaw ti Domingo idiay Mall of Asia Arena.
Immunan nga imbaga ni national coach Tim Cone a sinaganaan da a naimbag iti laban da ita nga aldaw, kalpasan ti panangabak da idi Huwebes, 93-89, kontra iti world no. 22 a New Zealand, babaen iti triple double ti young big man a ni Kai Sotto.
Nu mangabak ti Gilas Pilipinas iti laban da inton rabii, daytoy ti pormal a mangipaay kadakuada ti ticket tapno makaay-ayam iti FIBA Asia Cup tournament a maisayangkat idiay Saudi Arabia inton sumaruno a tawen.
Iti panangabak ti GILAS kontra Tall Blacks, iti nangipaay kadakuada ti solo top spot iti Group B babaen ti 3-0 record bayat a bimmaba iti no. 2 ti New Zealand nga addaan iti 2-1 slate.
Kabayatanna, iti Hong Kong ket adda iti nababbaba a bracket nga addaan iti 0-3 standings kalpasan a naabak da iti Chinese Taipei, iti iskor nga 85-55.
Nupay kasta, kinuna ni coach Tim Cone, a saan a ti standing ti Hong Kong iti kitaen da, ngem ketdi iti panagay-ayam a nasayaat ti Gilas.
Namnamaen a makita manen ti teammwork da naturalized player Justine Brownlee ken Kai Sotto iti laban dagitoy kontra Hong Kong.
