Addaan ti umdas a pondo ti gobierno a mangsuporta iti relief ken rehabilitation efforts kadagiti lugar a naapektaran iti Severe Tropical Storm Kristine, segun kenni Finance Secretary Ralph Recto.
Iti statement ni Secretary Recto, kinunana a mabalin pay nga maala ti pondo tapno mapaadu ken mapapigsa ti disaster preparedness dagiti local government units (LGUs).
Mabalin nga usaren ti pondo iti reconstruction, rehabilitation, wenno repair dagiti nadadael a kalsada, rangtay, ken pasdek kalpasan ti didigra.
Mausar pay daitoy tapno mangipatulod kadagiti madagdagus a kasapulan dagiti apektado a komunidad babaen ti panangipaay iti food packs, first aid, agas, temporary shelters, emergency needs, ken dadduma pay a kasapulan.
Innayon ni Recto a karaman kadagiti kanayonan a pondo a nalaka a magun-od ti Department of Finance ket dagiti unprogrammed funds, $500 milion a standby credit line, maysa a pasilidad ti Rapid Response Option (RRO), sumagmamano a contingent emergency response components manipud iti World Bank, ken post- disaster standby financing manipud pagilian a Japan.
Dagitoy a kanayonan a pondo a kunana ket dagus a magun-od inton ikeddeng ti gobierno nga ma-access dagitoy.
