Saan nga inawat ti gobierno ti Australia nga agbalin kas host country para iti interim release ni Presidente Rodrigo Duterte.
Maipalagip nga immunan a kinuna ni Vice President Sara Duterte iti pannakiuman na iti media sadiay Melbourne nga adda iti Australia kadagiti listaan dagiti pagilian nga ikonkonsidera ti ama na kas host country para iti interim release.
Segun iti Bise Presidente, nagsapata ti Melbourne a tumulong wenno awaten ti sigud a presidente ngem iti agdama ket saan pay daitoy a nangiruar ti kanayunan a detalye.
Ammo met ti Australia ti maipanggep ti interim release manipud detention center ti International Criminal Court sadiay The Hague, Netherlands nge nainget da a tinallikudan nga agbalin a host ni Duterte.
Makitkita ti Australia ti aplikasyon ti sigud a presidente para ti provisional release kas saritaan a nasken nga ikonsidera ti ICC babaen ti Rome Statute, iti founding treaty ti korte a member state metlaeng ti pagilian.
Manipud iti petisyon nga impila para iti interim release ti sigud a Presidente idi Hunyo 12 ket pinasingkedan ti defense team na a nangiwaragawag iti maysa a saan pay a nainaganan a pagilian nga umawat iti kenkuana.
