Dakkel a dayaw para iti ili nga Agoo ken probinsya ti La Unio iti nagun-od ni Patricia Anne Nichole Bangug a titulo kas Miss Philippines Earth-Fire 2026 iti naisayangkat a Miss Philippines Earth 2026 idi June 27, 2026, idiay Malitbog Cultural Center idiay Bukidnon.
Iti panangabak ni Bangug ket mangipakpakita nga adda kabaelan ken potential dagiti babbae ditoy probinsiya a maki-binnalubal iti tay-ak ti beauty pageants.
Mainaig ti daytoy, nangipeksa met ti panangkablaaw ni Governor Mario Eduardo Ortega para kenni Bangug.
Rinaem ti gobernador, saan laeng a ti kinapintas ni Patricia ngem ketdi ti talugading ken laing nga impamatmat na iti pageant.
Kinunana a maragsakan agsipudta agsasaruno iti balligi dagiti babbai manipud probinsiya kadagiti pageant competition ditoy pagilian, immuna ni Beatrice Rebecca “Bea” Millan-Windorski a maysa a Filipino and American beauty pageant titleholder a naitandudo kas Miss Universe Philippines 2026 ken iprisintar na pay ti Pilipinas iti Miss Universe 2026 inton Nobyembre.
Kabayatanna daytoy a nagunod ni Patricia Anne Bangug kas Miss Earth Fire ket Entero a probinsia ti La Union iti agseseblerar iti daytoy a balligi.
