Nagsao’n iti aktres a ni Gretchen Barretto mainaig iti pannakairaman ti nagan na maipanggep ti kaso dagiti mapukpukaw a mammallot, maysa nga aldaw sakbay nga inlasin isuna ti Department of Justice (DOJ) kas maysa kadagiti suspek a ninaganan ni Julie Patidongan wenno alias ‘Totoy’.
Iti maysa a waragawag babaen ti abogada na a ni Atty. Alma Mallonga, kinunana a maysa laeng nga investor ni Barretto ken awan met ti pakainaigan na iti operasyon. Nainget pay a pinaglibakan ti aktres dagiti alegasyon a kunana ket naibasar laeng kadagiti aramid a sarita ken pammabasol.
Segun pay kenni Gretchen, napadasan na iti makikilan kasukat ti pannakaikkat iti nagan na iti listaan ngem saan a nagbayad isuna gapwanan ta awan met a talaga ti ammo na ti pannakapukaw dagitoy.
Iti agdama ket u-urayen lattan ti kampo iti aktres ti resulta iti imbestigasyon ken impeksa a nakasagana da a tumulong kadagiti otoridad.
Sakbayna ket immunan a nagpanawagan ni Alias ‘Totoy’ iti aktres a makitinnulong kenkuana agsipud ta sangagasot a porsyento nga adda iti ammo na mainaig ti kaso.
