BR LA UNION – Nakitaan ti panaglawa wenno swelling iti ngato a paset ti Bulkan Kanlaon nangrugi idi rabii, Enero 10, 2025.
Maibasar iti panang-rukod ti Electronic Distance Meter (EDM), nakita ti inflation iti southeast area sipud idi Disyembre 2024.
Dagiti panagbaliw iti daga ket kapada kadagiti nailista sakbay iti panagbettak idi Disyembre 9, 2024.
Dagiti aktual a panagrukod ti sulfur dioxide idi Enero 10, 2025 ket nangipakita ti average emission a 5,763 tonelada kada aldaw, ngem bimmaba iti 2,029 tonelada kada aldaw idi Enero 9, 2025.
Iti publiko ke naabiswan a nakangato ti Alert Level 3 (magmatic unrest) iti Bulkan Kanlaon, ken mabalin a maaddaan tikellat a panagbettak a delikado para iti komunidad.
Dagiti umili iti uneg ti innem a kilometro a radius manipud iti tuktok a crater ket nasken nga agtalinaed iti evacuation centers.
Iti LGU ken DRRM councils ket kasapolan a bantayan iti kasasaad ti panawen ken isagana iti komunidad para iti kinatalged dagitoy.
Dagiti piloto ket mabalakadan a liklikan ti agpatayab asideg iti tuktok ti bulkan.
Iti DOST-PHIVOLCS ket agtultuloy nga agmanman iti Bulkan Kanlaon ken mangipaay iti abiso para kadagiti maseknan.
