Nagpanawagan ti Mayors for Good Governance kenni Presidente Ferdinand Marcos Jr. nga inaganan dagiti politiko ken kontratista a makin-utek kadagiti palpak a proyekto iti imprastraktura, kangrunaan iti flood control.
Segun iti grupo a buklen da Mayor Benjamin Magalong (Baguio), Mayor Vico Sotto (Pasig), Mayor Joy Belmonte (Quezon City), ken Mayor Sitti Hataman (Isabela City), nabayagen nga adda ti mapaspasamak a korapsiyon kadagiti nadakamat a proyekto ken kasapulan nga agsungbat dagiti karaman.
‘Flood control projects have existed for decades, but over the past years, corruption in these projects has become more alarming, pervasive, and systematic.’
‘Those who have stolen public funds must face the full force of the law. Once proven guilty, politicians and bureaucrats must not only be removed from office, but also prosecuted and jailed.’
Kiniddaw da iti Department of Public Works and Highways ken dagiti dadduma pay nga ahensya nga iruar dagiti dokumento ken nagan dagiti politiko ken kontratista a nanggundaway iti nasurok P100 billion a pondo, a naipan laeng kadagiti 15 a kontratista manipud 2022 agingana 2025.
Nagtaud iti panawagan iti panagdanag ken panakadismaya ni Presidente Marcos iti kalidad dagiti proyekto, kas iti nadadael a flood barrier idiay Calumpit, Bulacan.
Kabayatanna, kenuna met ni Mayor Magalong a nakasagana isuna nga agbalin a paset ti independent body basta lakitdi maipaima kenkuana iti panangpili dagiti imbestigador ken ahensiya a mangbukel iti lupon.
