Nasaripatpatan dagiti kumpulan ti barko ti Chinese maritime militia iti kangitingitan ti insayangkat a maritime domain awareness (MDA) flight ti Philippine Coast Guard (PCG) ken Bureau of Fisheries and Aquatic Resources (BFAR) sadiay Kalayaan Island Group idiay West Philippine Sea.
Inbinglay ni PCG spokesperson for the West Philippine Sea Commodore Jay Tarriela nga idi rabii ti Huwebes, ius da ti nasao nga misyon kas sungbat ti nabiit pay a napeggad nga maniobra ti People’s Liberation Army (PLA) Navy.
Panggep ti misyon nga ipaganetget ti soberaniya ti pagilian kasta met dagiti sovereign rights ken maritime jurisdiction iti WPS.
Kabayatan ti operasyon, inobserbaran ken indokumento dagiti PH aircraft dagiti napaliiw da iti kabaybayan.
Karaman kadagiti natakuatan ket ti kumpolan ken ilegal a presensya ti innem a Chinese maritime militia vessels sadiay Rozul reef ken ti nasurok 50 pay a barko da ken maysa nga China Coast Guard vessel nga addaan ti bow number a 5101, a nasaripatpatan met sadiay Pag-asa island.
Para iti pakabuklan ti maritime domain awareness flight, agtultuloy a kinarit ti kameng ti Pilipinas ti ilegal a presensiya ti Chinese vessel iti lugar ken indokumento dagiti napeggad nga aktibidad dagiti nasao nga barko sadiay Kalayaan Island group.
