Nagpakdaar ni Presidente Ferdinand Marcos Jr. iti agtultuloy a panagkaro ti tensyon idiay West Philippine Sea kalpasan nga arangan ti China iti medical evacuation ti maysa a suldado a Pilipino nga addaan sakit manipud BRP Sierra Madre idiay Ayungin Shoal.
Iti maysa a press briefing kasaruno iti working visit na sadiay Singapore, kinuna ti Presidente a makapadanag iti nasao nga insidente agsipudta panagagas laeng iti panggen ti humanitarian mission a pinalagan pay ti China.
Inyarig ni Marcos iti sitwasyon kadagiti panawen ti gubat nu sadinno palpalubusan a dumalyasat kadagiti teritoryo iti medical team tapnu mangipatulod ti tulong-medikal, isu a saan nga inkalintegan iti panagharang dagiti Tsino.
Pinadayawan ti Presidente iti kinatured dagiti Pilipino a balligi latta a naisayangkat iti medevac laksid ti panangparit, bayat a tinakderan daitoy a saan a kumiddaw iti aniaman a pammakawan ti pagilian kadagiti ganganaet tapnu aggaraw iti sarili tayo a teritoryo.
Impasigurado na pay iti publiko nga agtalinaed a natibker iti Pilipinas ti panagdepensa ken panaglaban para kadagiti soberano a karbengan daitoy iti West Philippine Sea.
