Kumiddaw ti business group a Management Association of the Philippines (MAP) a nasken a maaddan pay kadagiti serye ti konsultasyon sakbay a maipatungpal ti P200 a kanayunan a sahod para kadagiti minimum wage earners.
Segun kenni MAP president Alfredo Panlilio, nasken a saan nga agdardaras wenno padalus-dalos ti gobierno ken kitaen pay nga umuna ti agbalin nga epekto daitoy iti ekonomiya.
Kabayatanna, impaganetget na met a supsuportaran da ti insiyatiba para ti pagsyaatan ti pagbiagan dagiti minimum wage workers ken kadagiti pamilya da.
Pinaregta na pay ti bicameral committee nga ikonsidera da dagiti potensyal nga epekto ti umento ti sahod nangruna kadagiti babassit a negosyante.
Nagtignay ti grupo a ti problema ti pagilian ket saan a ti nababa a sueldo nu ketdi ket dagiti nangangato a presyo dagiti kangrunaan a magagatang.
