Nagpanawagan iti Teachers’ Dignity Coalition wenno TDC kadagiti otoridad ti nainget nga imbestigasyon iti kallabes nga insidente ti pammaltog ken panakatay ti maysa a mannursuro idiay Balabagan, Lanao del Sur.
Iti maysa a waragawag ket kenuna ti grupo nga iti nasao nga insidente ket makapadanag para kadagiti dadduma pay a mannursuro ti pagilian.
Maipalagip nga iti napasamak a pammaltog iti maysa a mannursuro ken iti maysa a pagadalan idiay Nueva Ecija ket napasamak iti kapada a lawas.
Mangnamnama iti grupo nga agbalin a wake-up call daytoy iti panangpapigsa ti proteksyon para kadagiti mannursuro ken kadagiti estudyante.
Imapela da pay iti gobierno a mangipaay ti naan-anay a pondo para iti seguridad kadagiti pagadalan, karaman iti panangideploy ti security personnel, panangipaay ti alikamen, ken panangipatungpal ti nainget a polisiya.
Panawen metten kunada iti “whole-of-society approach” tapno maisardengen dagiti kumarkaro a kultura ti kinaranggas iti komunidad ditoy pagilian.#
