LA UNION – Kondinaren dagiti grupo ti negosiante iti agtultuloy a panang-harass kadagiti kasundaloan ti Pilipinas gapo paylaeng iti nabiit pay a panagsinnango dagiti kameng ti Philippine Navy ken Chinese Coast Guard idiay Ayungin Shoal.
“We deplore the continued harassment of the AFP, the PCG, and most of all our people who are just trying to earn their livelihood,” segun kadagiti grupo usar ti abbreviations ti Armed Forces of the Philippines ken Philippine Coast Guard nga ibagbaga da.
Uray pay saan da a naibaga ti pagilian nga China ket nalatak nga isu ti paspasagidan da.
“We encourage the government to pursue with utmost urgency the necessary capacity-building measures that will successfully transform the AFP and the PCG into modern, responsive and self-reliant defense forces,” innayon pay ti grupo.
Inawagan ti grupo iti gobierno nga idardaras iti modernisasyon ti militar ken pagbalinen dagitoy nga “self-reliant force”.
Ti grupo ket buklen dagiti nalatak nga organisasyon ti negosyo ditoy Pilipinas pakairamanan ti Makati Business Club and the Management Association of the Philippines, Alyansa Agrikultura, Bishops-Businessmen’s Conference for Human Development, Cebu Business Club, Cebu Leads Foundation, Federation of Indian Chambers of Commerce (Phil) Incorporated, Financial Executives Institute of the Philippines, Institute for Solidarity in Asia, Institute of Corporate Directors, Investment House Association of the Philippines, Justice Reform Initiative, Nextgen Organization of Women Corporate Directors, People Management Association of the Philippines, Philippine Women’s Economic Network, Semiconductor and Electronics Industries in the Philippines Foundation Incorporated, ken Women’s Business Council Philippines.
Iti sabali pay met bangir, maipalagip nga inyebkas ni Ramon Ang, maysa metlaeng a prominente nga negosyante ditoy pagilian ti karirikna na seknan ti solusyon ti panagbaba iti inflation.
Kinuna ni Ang iti maysa nga economic forum idi Mayo 27 ti agdama nga tawen, a nasken nga itultuloy ti Pilipinas ti panangprotektar kadagiti teritoryo aglalo ti West Philippine Sea, nga addaan ti dakkel a potensyal nga agbalin nga kangrunaan nga pagalaan ti supply ti langis ken mabalin a mangpababa iti presio ti kuryente.
