LA UNION – Nangrugi ita nga aldaw ti publication iti guidelines para iti umuna a tranche ti umento a suweldo dagiti government workers.
Daytoy ket tapno masurot iti itudtuding a panawen para iti panangipatungpal ti maysa a linteg.
Daytoy ket kalpasan a nangipaay ti “go signal” iti Department of Budget and Management (DBM) kadagiti ahensya ti gobyerno nga ipaay ti kanayunan a suweldo dagiti mangmangged.
Segun kenni Budget Secretary Amenah Pangandaman, pirmadon iti guidelines para iti salary increase adjustments iti biang dagiti mangmangged ti gobyerno.
Iti isyu ti usaren a pondo, agtaud daytoy iti personnel services budget dagiti ahensya ket nu agkurang manayunan babaen ti pondo nga aggapo iti miscellaneous personnel benefits fund.
Ngem nakadepende latta daytoy iti kapaspas ti panag-proseso dagiti Human Resources Department ti tunggal ahensya ti gobyerno a sakop ti linteg.
