Kadkadlaw ita nga aldaw kadagiti naisayangkat a flag ceremonies nga agpatingga laeng iti kagudwa iti bandera ti Pilipinas.
Maiyannurot iti Presidential Proclamation No. 728, nakatuding daitoy nga aldaw ti Lunes, Nobiembre 4 kas Day of Mourning wenno panagladingit para kadagiti nasurok 100 a tattao manipud Bicol and CALABARZON Region a biktima ti Bagyong Kristine.
Maipalagip a nalayos ti dakkel a paset ti Bicol ken naaddaan pay ti nakaro a panagreggaay ti daga wenno landslide idiay Talisay, Batangas.
Uray dagiti pagadalan ken nangitukon met ti sumagmamano a minutos a talna tapno makipagladingit kadagiti pimmusay apo iti didigra.
