LA UNION – Inawagan a maysa a ‘political harassment’ ni sigud a presidential spokesperson Harry Roque ti pannakaibalud na ti 24 nga oras idiay House of Representatives.
Im-imbestigaran dagiti mammanday linteg ni Roque seknan iti pakainaiganna iti POGO Hub idiay Pampanga.
Imbaga na a nalawag a panagpulitika iti inaramid dagiti mammanday linteg gaputa naminsan laeng a naglangan iti panagdengngeg ken naibaluden.
Inlawlawag na nga awan plano na a bastosen dagiti mammanday linteg agsipudta dimmar-ay daytoy ti namitlo a daras manipud iti uppat nga imbitasyon .
Maipalagip a naibalud ni Roque idiay Kamara gapu iti maipagarop a panagulbod iti naisayangkat a panagdengngeg.
Saan met a nakalasat kenni Roque a babalawen ni President Ferdinand Marcos Jr. kalpasan nga imbaga na nga immadu dagiti agrig-rigat iti agdama gapu iti ngimmina a gagatangen ken immadu pay kunana iti mapapaidaman ti karbengan ti maysa a tao.
