LA UNION – Saanen a naisalakan pay ti doktor iti biag ti maysa a helper ti punerarya a nakuryente kabayatan ti panagduprak iti nepnep idiay Barangay Subusob, ili ti Rosario, La Union.
Nabigbig ti 23-anyos a a baro a ni Joel Bautista, residente ti Barangay Poblacion West iti nasao nga ili.
Iti report a nakalap ti Bombo Radyo manipud idiay Rosario Police Station, maipagarup a tartarimaanen ni Bautista iti atep ti pagtratrabahuanna a punerarya idi a nasagidna ti maysa a kable ti kuryente.
Dagus nga inturong dagiti kakadduana ti baro iti kaaseggan nga ospital ngem natay met laeng daytoy gapu ti nakaro a sugat iti nilak-amna manipud ti pannakakuryente iti bagina.
