Naarestar ti maysa a high-value target drug personality babaen ti nagtipon puersa dagiti Philippine Drug Enforcement Agency Regional Office I-Ilocos Norte Provincial Office (PDEA RO I-INPO), Ilocos Norte Police Provincial Office-Provincial Drug Enforcement Unit (INPPO-PDEU), Regional IntellIgence Unit – Provincial Intelligence Team (RIU-PIT), ken Laoag City Police Station babaen ti buy-bust operation sadiay Barangay 18, San Quirino, Laoag City, Ilocos Norte.
Binigbig ni PDEA RO 1 Regional Director, Director III Joel B Plaza iti suspek a ni Chrisbert Miguel Cabebe, 24-anyos ken residente ti nasao nga lugar, agarop 5:14 PM idi Pebrero 10, agdama a tawen.
Narekobre iti operasyon ti maysa pidaso a ziplocked dried marijuana leaves nga agdagsen ti nasurok-kumurang 100 a gramo ken aggatad ti P30,000.
Kanayunan pay iti daitoy ket ti narekobre a maysa pidaso nga tallo a gramo nga heat-sealed transparent plastic sachet metlaeng iti napagango a bulong ti marijuana nga aggatad iti P360, maysa paper bag, kaha ti sigarilyo, mobile phone, black motorcycle, ken iti buy-bust money.
Mapilaan ti suspek ti panaglabsing ti Section 5 (Sale of Dangerous Drugs), ken Section 11 (Possession of Dangerous Drugs), Article II iti RA 9165 wenno Comprehensive Dangerous Dugs Act of 2002 nga agdama a nakadetene sadiay Laoag City Police Station. # # #
