Nangiyuswat ti nagbinnulig nga operatiba manipud kadagiti kameng ti Philippine Drug Enforcement Agency – La Union Provincial Office (PDEA-LUPO), Agoo Police Station, ken Regional Intelligence Unit – Provincial Intelligence Team (RIU-PIT) ti buy-bust operation a nakaarestaran ti maysa a resurgent drug pusher idiay Agoo, La Union.
Binigbig ni PDEA RO 1 Regional Director, Director III Joel B Plaza ti suspek a ni Renz Christian Flores Ballesil, 38-anyos, maysa nga high-value target drug personality, ken residente ti nasao nga ili.
Naarestar ni Ballesil alas-10 ti rabii ti Pebrero 18, 2025 ken narekobre kenkuana dagiti sumaganad: maysa pidaso ti heat-sealed transparent plastic sachet a naglaon ti white crystalline substance nga maatap a shabu, agdagsen ti nasurk-kumurang maysa gramo nga aggatad ti P6,800, maysa a motorsiklo, ken ti buy-bust money.
Mapilaan isuna ti panaglabsing ti Section 5 (Sale of Dangerous Drugs), Article II iti RA 9165, wenno ti Comprehensive Dangerous Dugs Act of 2002 ken agdama itan a nakadetene sadiay PDEA RO I jail facility, Camp Diego Silang, Carlatan, San Fernando City, La Union.
