BR LA UNION – Saan nga irikep ni Senadora Risa Hontiveros iti posibilidad nga isuna ti agbalin nga standard bearer ti oposisyon iti 2028 presidential elections.
Waragawag daytoy ni Hontiveros idi masalodsod nu ikon-konsidera na ti tumaray iti kina-presidente kalpasan ti tallo a tawen a nabatbati a termino na idiay senado.
Nupay silulukat ti senadora, kinuna na a saan pay a nakasentro ti atensiyon na iti eleksiyon inton 2028, ngem ketdi panagkaykaysa dagiti kaalyado a simmuporta iti Akbayan, kada senator-elect Kiko Pangilinan ken Bam Aquino iti uneg ti siyam a bulan.
Iti agdama, kabilang da Pangilinan ken Aquino iti 20th Congress, ket imbaga ni Hontiveros nga isuda ti agserbi a fiscalizer wenno tagabantay ti gobyerno .
Nupay kasta, imbaga ni Hontiveros a mabalin pay nga agbaliw dagiti desisyon ken opinyon iti nagduduma nga isyu.
