Nagpakdaar ti World Health Organization (WHO) a sumagmamano nga ospital idiay Lebanon ti posible a maibusan ti life-saving trauma medical kits iti las-ud laengaen ti sumagmamano nga aldaw gapo paylaeng ti kaado ti bilang dagiti biktima ti panagraut ti Israel.
Segun kenni WHO representative Dr. Abdinasir Abubakar, napartak a maib-ibus dagiti trauma supplies a kas ti bandages, antibiotics, ken anesthetics gapo iti kellaat a panag-adu ti bilang dagiti madundunor, a kaadwan ket sibilyan.
Kinunana pay a nu adda ti insidente ti mass casualty ket posible a kumaro pay ti krisis kadagiti ospital gapo iti kinakurang ti agas.
Uray dagiti agas para ti chronic illnesses a kas ti insulin ket agpegpeggaden a maibus kadagiti sumaganad a lawas gapo iti pannakasinga ti supply chains ken panagngato ti delivery cost.
Iti agdama ket makikokoordinaren ti Organisasyon iti Lebanese health authorities tapno iyakar ti nabatbati a supply kadagiti ospital, ngem aminado da a marigrigatanen ti health system gapo iti krisis.
