Nangisayangkat ti search operation dagiti operatiba ti National Bureau of Investigation-Cordillera Administrative Region iti maysa nga hotel idiay Baguio City a nagdagusan ni sigud a Department of Public Works and Highways (DPWH) Undersecretary Maria Catalina Cabral sakbay a pimmusay.
Iti maysa a Facebook post, kenuna ti NBI a sinukimat dagiti agents iti kuarto ni Cabral babaen iti bileg ti search warrant nga impaulog ni Regional Trial Court–Baguio City Branch 6 Judge Michael Francisco.
Pinalubusan ti korte iti panangala dagiti ebidensiya a mabalin a makatulong iti panangilawlawag dagiti pasamak mainaig iti pannakatay ti sigud nga opisial.
Segun ti NBI, nakapamaysa iti operasion iti panang-secure dagiti records ken dadduma pay a materyales nga addaan koneksion iti agtultuloy nga imbestigasion.
Nagpanawagan met dagiti otoridad kadagiti motorista a dimmalan idiay Kennon Road idi Disiembre 18 nga agsubmitir ti dashcam footage a mabalin a makatulong iti imbestigasion, iti kangitingitan dagiti nadumaduma nga espekulasion.#
