LA UNION – Kinarit dagiti mammanday linteg ni Vice President Sara Duterte a naganan dagiti agiwar-waras ti biddut a damag wenno impormasyon maipapan iti impeachment issues.
Iti nagbalin a pannarita ni VP Sara, imbaga ti sumagmamano a gagayyem na iti House of Representatives maipapan iti maipagarop a plano nga impeachment kontra kenkuana.
Imbaga met dagiti mammanday linteg nga awan kinapudno na iti isyu nga impeachment kontra kenni Vice President Sara Duterte.
Segun kenni Deputy Majority Leader ken Iloilo Representative Janette Garin, awan ti madeng-dengngeg na a sarita seknan iti impeachment kontra iti bise-presidente.
Impaganetget ni Garin, a manu nga oras ti panagtalinaed na idiay Kamara, ngem awan iti mang-mangngeganna nga impeachment.
Iti agdama, makomikom dagiti kongresisita iti panangsukimat iti 2025 national budget ti naduma-duma nga ahensiya ti gobyerno.
Segun kenni Garin, adda dagiti indibiduwal a kayatna laeng ti makaala ti atensiyon iti serbisyo publiko.
Karit met ni La Union Rep. Paolo Ortega a naganan ni VP Sara nu siasino dagiti gagayyem na idiay kamara a mangibag-baga a ma-impeach daytoy, tapno maamwan nu addaan dagitoy ti kabukbukodan nga interes.
Segun met kenni Lanao del Sur Rep. Zia Alonto Adiong, tuldukanen ti isyu nga impeachment agsipudta awan ti kinapudno na daytoy.
