Nakasaganan ti House prosecution panel para iti nakatuding nga impeachment trial ni Bise Presidente Sara Duterte idiay Senado inton Hulyo 6, 2026.
Segun kenni lead prosecutor Gerville Luistro, nakasaganan dagiti ebidensya da ken listaan iti nasurok-kumurang 57 a testigo a mamipasango inton mismo a trial.
Kinuna iti panel spokesperson a ni Representative Zia Alonto Adiong nga awanen iti makitkita da a sagubanit iti panangrugi ti panagusig kalpasan a balligi a makumpleto dagiti pre-trial conferences.
Innayon dagiti mamanday-linteg a napateg iti panagusig tapno mailatag dagiti dokumento ken testimonya a mangpatibker kadagiti akusasyon kontra iti bise presidente.
Iti umuna a paset ti panagusig, ipasango ti prosekusyon iti Article of Impeachment a mangdakdakamat iti panagpangta ti biag ni VP Sara kenda Presidente Ferdinand Marcos Jr., First Lady Liza Araneta-Marcos, ken sigud nga House Speaker Martin Romualdez.
