Agtalek ni House Prosecutor member Rep. Rodge Gutierrez a saan a posible ti inlatag a “timeline” wenno kalendaryo ni Sen. Francis Tolentino mainaig ti impeachment trial laban kontra kenni Vice Pres. Sara Duterte.
Segun kenni Gutierrez, manipud idi inruar ni Tolentino ti kalendaryo na ket saan pay a nagtataripnong ti House Prosecution Panel.
Pagaropen na a saan a posible a ma-consolidate dagiti dua nga Articles laeng ti agsipud ta arig na panagtraydoren daitoy ti intero nga Articles of Impeachment.
Saan pay kunana nga umdas ti timeline para kadagiti pito nga Articles of Impeachment kontra ti bise presidente. Maibasar ti schedule ni Tolentino, dua nga aldaw laeng ti presentasyon dagiti ebidensya.
Impaganetget ni Gutierrez, agtungpal iti 20th Congress ti panagdengngeg kas maibasar metten ti nakailanad ti Konstitusyon. Gapo iti dayta ket impasiguro ni Gutierrez nga agtultuloy latta ti panagsagana ti House Prosecution Panel.
Kabayatanna, kinuna met ni Akbayan Partylist Rep. Percy Cendana a nasken a maaddaan ti fair day in court ti impeachment case kasaruno metten ti panangilatag ni Sen. Francis Tolentino iti timeline – innayon na pay a saan a rumbeng a mapapartak iti proseso.
Segun iti Kongresista, nalawag ti panawagan da a nasken a marugian ti umiso nga proseso a kasapulan a mabasa amin nga articles of impeachment ken maipakita dagiti ebidensiya.
