Kiniddaw ti House prosecution panel iti Senate Impeachment Court a marugianen ti panagdengngeg kasaruno ti Answer Ad Cautelam iti kampo ni Vice president Sara Duterte.
Karaman pay iti kiddaw ti prosekusyon a saan a paboran ti korte ti impila met iti kampo ti Bise nga ibasura ti trial. Para iti prosekuyson, ti nagbalin a sungbat iti depensa ket napno kadagiti false statements ken misrepresentations.
Segun kenni Atty. Atonio Bucoy, maibilbilbang nga awanan depensa ti bise presidente para ti Answer Ad Cautelam na a puro ‘general denial’ ken saan a nasungbatan dagiti factual allegations maibusor kenkuana.
Imbatad pay ni Bucoy a scrap of paper ti sungbat nga answer ad cautelam nu idasig ti naipila nga impeachment complaint.
Agtalek isuna a ti panangibasura ti impeachment ti direksyon a kayat a pagtungpalan ti depensa nangruna ta dagiti teknikalidad nga ibagbaga da ket maulit-uliten a nasungbatan ti prosekusyon.
Karaman ditoy ti ‘one year bar rule’ a saan met a nalabsing, kaawan iti due process, panagbalin a continuing body ti Senado, ken ti valid nga articles of impeachment.
