LA UNION – Siniguro iti House Quad Comm leaders a saan nga itulok ti komite nga agsao ti dakes ni sigud a President Rodrigo Duterte, nu bilang man dumar-ay daytoy iti panagdengngeg.
Daytoy ti inwaragawag da House Quad Comm leaders Santa Rosa Laguna Rep. Dan Fernandez ken Manila Rep. Bienvenido Abante.
Iti waragawag dagiti dua a lider ket kasaruno iti nagbalin a sitwasyon iti panagdengngeg ti Senado, nga adu a gundaway a nakaiyebkas ti bulgar a sarita ti sigud a president.
Kinuna ni Abante, nu mapasamak dayta iti hearing ti quad comm, dagus nga ipatungpal ti komite iti Point of Order.
Impaganetget ni Abante a saan a maiparbeng iti panagsao ti dakes ni Duterte nangruna ket adda dagiti agtutubo nga agbuy-buya ken agdengdengngeg ti hearing, ken saan a nasayaat a tuladen iti sumarsaruno nga henerasyon.
Iti met biang ni Rep. Fernandez, saan da nga ipalubos a mamulitan ti institusyon kadagiti parliamentarians.
Innayonna a nakababain a ti sigud a Presidente ti Pilipinas ket agsasao ti bulgar a sarita.
