LA UNION – Inrekomenda ti House quad committee nga idatagan ti kaso a kriminal ni sigud a President Rodrigo Duterte pakairamanan dagiti sigud nga aides na, isuda Senator Ronald “Bato” dela Rosa ken Christopher “Bong” Go.
Adda pakainaiganna daytoy iti pannakairaman da iti extrajudicial killings iti naglabas nga administrasyon.
Iti progress report ti Quad Committee nga imbasa ni quad committee chairperson Surigao Del Norte Rep. Robert Ace Barbers, nalawag a naglabsing dagitoy ket kasapolan a maidatagan da ti kaso iti sidong ti Section 6 wenno ‘other crimes against humanity’ iti Republic Act 9851 wenno “Philippine Act on Crimes Against International Humanitarian Law, Genocide ken sumagmamano pay a Crimes against Humanity.
Kabilang pay a narekomendaan a maidatagan ti kaso da sigud a PNP chief Oscar Albayalde , Debold Sinas, sigud a police officers Royina Garma, Edilberto Leonardo ken Palace aide Herminia “Muking” Espino.
Innayon pay ni Barbers nga idi Nobyembre 13 idi pina-ayaban da iti sigud a presidente ket kinumpirma na iti panagraira ti reward system a target dagiti drug personalities babaen iti panangusar ti nabatbati a campaign funds.
Kinumpirma pay ni Duterte idiay senado, nga inallokoy na dagiti pulis a piliten a lumaban dagiti suspeks a matiliw tapno ma-justify dagiti nasao a pammapatay.
Insumite ti House of Representatives iti findings ken recommendations ti Quad Comm kadagiti maseknan nga ahensiya para iti maiparbeng nga addang.
