Nababalaw iti Integrated Bar of the Philippines (IBP) kalpasan nga ipaay ti Davao City chapter iti “Golden Pillar of Law” kenni sigud a Presidente Rodrigo Duterte – nga agdama a sumangsango iti International Criminal Court (ICC) idiay The Hague gapo iti crimes against humanity.
Segun ti IBP national office, repasoen da dagiti alagaden seknan iti panangipaay ti pammadayaw tapno masigurado nga iti sumaruno a panangbigbig ket mangipakitan ti integridad iti serbisio ken kinatured para iti hustisia.
Palawag ni IBP communications director Katrina Mordeno, iti pammadayaw ket saan na kayat a satuen a suporta wenno moral absolution para kenni Duterte, no di ket maysa laeng a panangbigbig iti nasurok 50 a tawen nga serbisio.
Nupay kasta ket inaklon ni Mordone a maawatan ti IBP iti moral concern ti publiko gapo kadagiti akusasion a panaglabsing iti karbengan pantao kabayatan ti administrasion.
Impaganetget met ti IBP Davao City Chapter nga iti pammadayaw ket saan panangendorso ti personal nga ideolohiya wenno aramid ti politika, no di ket simple a panangbigbig iti propesional a takder dagiti abogada ti “good standing”.###
