Inlawlawag ni Independent Commission for Infrastructure Spokesperson Brian Keith Hosaka nga agtalinaed a pribado iti panagdingeg ti komision tapno maliklikan a malimlimo wenno matikaw iti publiko kadagiti testimonya dagiti tao a maim-imbestigaran.
Sensitibo dagiti isyu a mataltalantan isu ta kasapulan a siguraduen nga umuna a kusto ken kumpleto iti amin nga impormasion sakbay a maisapubliko.
Panggep ti komision a mapagtalinaed iti kredibilidad ti imbestigasion ken maliklikan dagiti espekulasion a mabalin a makadadael iti reputasyon dagiti karaman bayat a saan pay nga nalpas iti proseso.
Iti sabali a bangir, nakitaripnong ita nga aldaw ti baro nga ICI Special Adviser a ni General Rodolfo Azurin Jr. kadagiti miembro ti komisyon.
Manamnama a kaduaen na iti grupo kadagiti sumaruno nga imbestigasion kalpasan nga agsapata para iti baro a posisyon na.###
