Positibo ni Independent Commission for Infrastructure Executive Director Atty. Brian Hosaka a makapilan ti kaso iti komisyon sakbay a malpas iti tawen, agsipud ta mamati isuna nga adda iti kusto a direksion iti ICI kadagiti maisaysayangkat a serye ti imbestigasyon ken panagdingeg.
Dakkel a karit iti limitado a bilang ti staff bayat nga iti komisyon ket buklen laeng ti maysa a chairman ken dua a commissioner.
Iti limitado a bilang ket makasangsango ti maysa a ‘well-oiled machine’ a buklen dagiti karaman iti flood control scandal kas dagiti contractors, government officials, ken dagiti dadduma pay a nangangato nga opisyal a karaman.
Impasigurado ni Hosaka a mangmangeg ti komisyon iti kiddaw ti publiko seknan iti naibutaktak a nalawa a korapsion ken iti panagtarigagay nga ipasango iti linteg dagiti amin a nagbasol ken responsable.
Tarigagay met ti komisyon a maaddaan ti napartak a panagammiris kadagiti kaso ti korapsion ngem kasapulan a maidalan amin iti legal a proseso tapno masigurado a solido iti maipasango a reklamo kontra kadagiti responsable iti korapsion.###
