Inpakaammo ti kampo ni sigud nga Ako Bicol Party List Representative Zaldy Co a mangaramid daytoy ti legal remedy iti umno a panawen kontra iti arrest warrant maibusor kenkuana, ken ti posibilidad a mapilaan manen isuna ti kaso a graft ken plunder mainaig iti pannakairamanna iti maipagarup a korapsion kadagiti flood control projects.
Inlawlawag ti abogadona a ni Atty. Ruy Rondain nga iti agdama, mamatida a masurot dagiti regular procedures iti panangiserbi ti arrest warrant, isu a mangaramid da ti legal remedy iti umiso a panawen.
Simmungbat met ti abogado iti rekomendasion ti Department of Public Works and Highways (DPWH) a mangidatag kadagiti kaso a plunder ken graft kontra kenni Co ken ni sigud nga House Speaker Martin Romualdez aginggana maberipika da iti kinapudno.
Idi Biyernes, inwaragawag ni Presidente Ferdinand Marcos Junior nga inrekomendar ti DPWH ken ti Independent Commission for Infrastructure (ICI) iti panagusig da Co ken Romualdez gapu iti posible a koneksionda kadagiti maanomalia a flood control projects.
Immunan a nairaman iti nagan da Co ken Romualdez iti kontrobersia kalpasan a nainaganan dagitoy babaen ti testigo a ni Orly Guteza nga indatag ni Senador Rodante Marcoleta iti panagdingeg ti Senate Blue Ribbon Committee, a maipagarup a nakaawat da kadagiti maleta a naglaon ti kuarta kas kickback manipud kadagiti nasao a proyekto.#
