Nangiruar iti Independent Commission for Infrastructure ti imbitasion tapno pasangwen ni sigud nga House Speaker Martin Romualdez iti komisyon tapno ibinglay iti napasamak iti budget insertions ken dagiti flood control projects ti Department of Public Works and Highways kabayatan iti panagtakem na.
Impa-subpoena metten ti komision ni sigud a Representative Zaldy Co tapno sumango seknan dagiti ammo na kas sigud a chairman ti House Committee on Appropriations.
Segun kenni ICI Spokesperson Brian Keith Hosaka, posible nga agpatulong dan iti korte tapno maipa-contempt dagiti nasao a personalidad no saan da nga agparang inton Oktubre 14, 2025.
Kabayatanna, impasigurado ti komision nga agtultuloy iti panangisayangkat da ti imbestigasion mainaig iti iregularidad kadagiti flood control project ti gobierno, iti laksid ti kinaawan ti bileg da nga ag-cite in comtempt kadagiti tao a maim-imbestigaran.
Panggep ti ICI a magun-od iti kinapudno ken saan nga mausar iti proseso para iti politikal nga interes.
Mangiruar da dagiti ladawan manipud iti uneg ti panagdingeg ti komisyon kas paset ti transparency.###
