Naminsan manen a nagbalin a napagsasaritaan ti ili ti Luna, La Union gapu ti panangisayangkat daytoy iti mass gathering.
Immuna ditoy, naipalubos iti pannakaangay ti Linggo ng Kabataan iti uneg ti makalawas nga aktibidad dagitoy.
Iti pannakiuman ti Bombo Radyo La Union kenni Pol. Major Arnold Ongcachen, Chief of Police, Luna Police Station kinuna na a ti pannakaangay ti Linggo ng Kabataan ket kas maiyannurot iti Section 30 iti RA 10742 Sangunian Kabataan Reform Act of 2015.
Segun kenni Major Ongcachen, naikoordinar kadakuada ti nasao nga aktibidad no sadino narugyan daytoy idi
August 25 babaen iti Tree Planting activity iti Barangay Cabalitoca; Aug. 26, coastal clean up activity manipud Rimos 1 agingga Rimos 5, ken Barangay Carisquis agingga idiay Nalvo Sur; Aug. 27, distribution of scholl supplies iti pito a high school ken TikTok dance competition iti Luna Sports Center; Aug. 28 Bike competition a nagparticipararan iti aganay 50 a bikers ken Aug. 29, SK Award Night Recognition.
Naamuan a ti nasao nga aktibidad ket adda pondo na a naggapu iti Sangunian Kabataan Federation.
Innayon pay ni Major Ongcachen a kontrolado da dagiti nakipaset iti bike competition ken nasurot iti health protocol kas maiyannurot iti pammilin iti Local Inter Agency Task Force.
Maipalagip, immuna a nagbalin nga naariwawa ti nasao nga ili gapu ti panagdudupudop dagiti nakipaset a bikers iti bike competition idiay Baluarte a masarakan iti Barangay Victoria itay kallabes.
