Impasigurado ti Palasio ti Malacañang nga agtultuloy iti maisaysayangkat nga imbestigasion iti maipagarup a foreign-funded destabilization efforts, partikular iti naiganuat a rally idiay EDSA.
Segun kenni Palace Press Officer Undersecretary Claire Castro, nainget iti koordinasion ti Armed Forces of the Philippines (AFP) at Philippine National Police (PNP) tapno maammuan ti kinapudno iti likudan dagiti reports.
Kinuna ni Castro a no mapaneknekan nga dagiti ganggannaet iti nangpondo kadagitoy nga aktibidad ket nalawag a panangliput daytoy iti Pilipinas, ken saan a rumbeng a makibiang da kadagiti internal affairs ti pagilian kangrunaan iti isyu ti politika.
Impasigurado met ti opisial a nakaabante ti AFP iti panangsukimat iti nasao a saritaan, maitunos iti direktiba a siguraduen a saan a marakrak iti interest ti pagilian.#
