Malmalpasen ti imbestigasyon ti Local Water Utilities Administration (LWUA) mainaig dagiti reklamo iti serbisyo ti danom ti Prime Water kadagiti nagduduma a lugar.
Manipud ti naangay a press briefing idiay Malacañang ket kinuna ni LWUA Administrator Atty. Moises Salonga nga apaman malpasen iti report ket dagos daitoy a maiturong kenni Presidente Ferdinand Marcos Junior.
Kabayatanna, saan met a mailaksid ti posibilidad nga ag-take over iti administasyon kadagiti lugar a supsuplayan ti Prime Water apaman mapaay latta ti panagserbisyo da kadagiti customers laksid ti pammilin ti presidente. Aminado pay ni Salonga a nabayagen daitoy a prolema.
Idi laeng bulan ti Abril ket imbilinen ni Presidente Marcos Jr., a maimbestigaran ti serbisyo ti Prime Water a kukua dagiti Villar gapo paylaeng kadagiti nabaybayagen a saan a masungsungbatan a reklamo manipud kadagiti customers da ti intero a pagilian.
