Im-imbestigaran itan ti Senate Committee on Foreign Relations ti pannakaaresto ni dati a Presidente Rodrigo Duterte.
Ni Senador Imee Marcos, maysa a nasinged a gayyem ti Duterte, ti mangidaulo iti imbestigasion.
Ti pannakadengngeg ti kaso ket manglawlawag pay iti akem ti International Criminal Court (ICC), International Criminal Police Organization (Interpol), ken dagiti mainaig nga ahensia ti gobierno iti pannakaaresto ni Duterte.
Nasapsapa metten a kinuna ni Senadora Marcos a ti pannakaarestar ti sigud a presidente ket pagtaudan ti isyu ti dibision ditoy pagilian.
Kinunana a masapul a maikeddeng no ti maiparbeng a proseso ket natungpal ken tapno masigurado a nasalakniban dagiti legal a karbengan ni Duterte nangruna ta ti International Criminal Police Organization ken ti International Criminal Court ket nairaman.
Tapno malawlawagan ti isyu, inawis ni Marcos dagiti opisial manipud iti Philippine National Police (PNP), Department of Justice (DOJ), Office for Transportation and Security ti Department of Transportation, National Security Council, Civil Aviation Authority of the Philippines, Department of National Defense (DND), ken dadduma pay a resource persons ken witnesses.
Nupay kasta, mangnamnama met ni Senate President a ti imbestigasyon ket mangilawlawag iti problema ken agbalin a wagas tapno agimbag ti sugat agiti Pilipino a nasaktan ken agkaykaysa.
Kinunana pay a nasayaat a malawlawagan dagiti saludsod, panagbuteng ken pakaseknan ti publiko maipapan iti pannakaaresto ti sigud a presidente.
