Nangipeksa ti karirikna ni Senadora Imee Marcos maipanggep kenni Presidente Ferdinand Marcos Jr. ken dagiti sumagmamano a kabagian daytoy seknan dagiti isyu a sangsanguen ti pagilian.
Iti maysa a video post, naipakita dagiti uppat a placards a nakailanadan iti nagan da Presidente Marcos, Congressman Sandro Marcos, Congressman Martin Romualdez, ken Liza Marcos.
Nadamag isuna no asino kadagiti uppat iti kasursuron na.
Segun kenni Senadora Imee, masayangan isuna kenni Congressman Sandro Marcos agsipudta kaub-ubingan na pay laeng ket nairamanen iti gulo.
Inyebkas na pay iti panagliday na para iti kabsatna a ni Presidente Marcos Jr, “36 years namin inasam-asam ito, pinagtrabaho, pinagdasal—nasayang e!“
Kabayatanna, inaklon na a nasursurok pay ngem simple a panakabusor iti marikriknana kontra ti kasinsin na a ni sigud nga House Speaker Martin Romualdez.
Pasagid met ti Senadora kenni First Lady Liza Marcos, “E, hindi ko naman kamag-anak ‘yan e, hindi ko naman kaano-ano.”###
