Nakipamaysa ni Presidente Ferdinand Marcos Jr. iti selebrasion dagiti Filipino-Chinese iti panagserrek ti Lunar New Year ken Year of the Fire Horse, a simbolo ti panaggaraw, kinatured, ken panagrang-ay.
Iti mensahe ni Presidente Marcos, kenunana a nupay napateg dagiti simbolo, ad-adda a rumang-ay iti pagilian babaen ti napinget a panagtrabaho, naannad a panaggastar ti tunggal pamilia, ken agtultuloy a panagserbi ken nasirib a desision ti gobierno ken dagiti industria.
Impaganetgetna nga iti kinarang-ay ket resulta ti inaldaw a panagregget, disiplina, ken panagpataud ti trabaho a mangsuporta kadagiti komunidad.
Pinaregta na iti publiko nga agtignay nga addaan ti direksion ngem naannad kadagiti napateg a banag, bayat ti panangsalaknib iti patas nga oportunidad, mapagtalkan a serbisio publiko, ken natalged nga ekonomia.
Tarigagay ti Presidente nga agbalin a napnuan-biag, nawadwad, ken nabunga ti tawen para iti amin.###
