Mabalin a saanen a kasapulan pay nga urayen dagiti botante a Pilipino ti eleksyon inton 2028 tapno matingiting nu rumbeng metlaeng nga agbalin a Presidente ni Bise Presidente Sara Duterte gappo na ta agserbin kas basaran ti agdama nga impeachment case kontra kenkuana.
Segun kenni House Justice Committee Chairperson ken Batangas Rep. Gerville Luistro, napateg a dagiti agtarigagay ti nangato a posisyon ket mangipakita ti accountability a maisupadi iti impunity wenno kaawan iti pagsungbatan.
Impaganetget ti mamanday-linteg a nasken a bantayan ti publiko ti proseso ti impeachment nangruna ket nangiwaragawag ni VP Sara ti intensyon nga agkandidata ti kina-Presidente inton tawen 2028.
Idi Marso 18, indeklara ti komite nga adda iti umdas a pagbasaran dagiti dua a nabatbati a reklamo ken naitudingen ti pormal a panagdengngeg inton aldaw ti Mierkules, Marso 25.
