Inwaragawag iti Lead Prosecutor ken Representative Gerville Luistro ita nga aldaw a pormal dan nga ipaigid iti Articles I ken IV iti impeachment complaint kontra kenni Bise Presidente Sara Duterte, mainaig kadagiti alegasyon ti biddut a panagusar na iti confidential funds ken grave threats, tapno ipamaysa iti kaso iti Article II mainaig iti saan a mailawlawag a baknang.
Gapo kadaitoy ket Article II laengen iti iraman iti panel ti formal offer of exhibits da sadiay impeachment court.
Kas paset iti addang ket ipamaysan iti prosekusyon dagiti ebidensya ti financial records ken forensic analysis nga adda pakainaigan ti unexplained wealth kasta met dagiti baknang ken sanikua ti pamilya Duterte.
Kabayatanna, impasiguro ni Defense counsel Atty. Sheila Sison a saan a mabaliwan iti desisyon ti prosekusyon iti estratehiya ti kampo ni Bise Presidente. Segun kenkuana, ituloy ti defense team ti nakaplano a panangipresentar kadagiti ebidensya tapno paglibakan dagiti akusasyon.
