Inlawlawag ni Department of Public Works and Highways (DPWH) Secretary Manuel Bonoan iti agbalin nga implementasyon ti EDSA Rebuild a mangrugin inton sumaruno a bulan ken namanamaen a malpas inton 2027.
Mangrugi iti preparatory stage ti EDSA Rebuild inton June 13, mangikabil da pay umuna kadagiti barriers ken rugianan dan ton a kalien ti 200-kilometer southbound ken northbound lanes ti EDSA a masukatan kadagiti pavements da.
Tapno mapapartak ti proseso ti rekonstruksiyon ket mangala da kadagiti ad-adu pay a kontraktor. Maikkan met ti prayoridad ti paset ti Pasay agingga Guadalupegapo metten iti ASEAN Summit para inton sumaruno a tawen.
Kabayatanna, saan met a maipaserra ti intero nga EDSA nu di ket dagiti lanes laeng a mabungkal, kasta met nga agtalinaed latta nga aktibo ti operasyon ti EDSA Carousel.
