LA UNION – Nakadanonen iti San Fernando City Counsil ti maipagarop a reklamo iti maysa a punong barangay nga adda pakainaegan na iti anomalya a nakairamanan daytoy.
Immuna ditoy, personal a nagturong iti Bombo Radyo La Union ni Hilario Pimentel, consultant to the office of the Senate President, tapno ireklamo iti maipagarop a nakita na nga anomalya iti liderato ni Barangay Pagudpud Chairman Joseph Pimentel iti ciudad ti San Fernando, La Union.
Sumagmamano kadagiti reklamo na ket ti sobra iti nagbalin a presyo ti CCTV camera para iti barangay nga dumanon iti P79,000; maipagarop a panang-purchased da ti cable nga adda presyo a P40,000 nga saan met a naikabit iti sumagmamano a paset ti lugar da; naiwaras nga jet matic a maipagarop nga inlako ti maysa a Barangay Kagawad ken ti sementado a farm to market road.
Iti ekslusibo nga interview ti Bombo Radyo kenni Barangay Chair Pimentel, naglibakan na dagiti alegasyon no sadino impaganetget na a dimmalan iti bidding dagiti proyekto ti Barangay.
VC1 – Barangay Chair Pimentel
Awan met ti ammo na a maipagarop nga nailako a jet matic a naggapu iti Provincial Government nga imbunong na kadagiti kagawad, idinto a naidonar ti naipasemento a farm to market road.
Kabayatan na, nakasagana met a sumango iti San Fernando City Counsil ni Barangay Chair Pimentel no ipaawagda daytoy tapno sungbatan dagiti alegasyon, naglibakan na met a kabagyan na ti complainant.
