Simrek latta iti target ti Bangko Sentral ng Pilipinas nga uray apagapaman a ngimmato ti headline inflation iti 1.4% idi bulan ti Hunyo manipud ti 1.3% idi bulan ti Mayo.
Kadagiti immuna nga innem a bulan ti tawen 2025, agtaltalinaed ti 1.8% iti average inflation wenno nababbaba ngem iti target ti gobierno a 2-4%.
Bimmaba pay ti food inflation gapo iti limmaka a presyo dagiti gulay ken bigas a pinatibker ti napasayaat produksyon ken addang iti administrasyon.
Kabayatanna, ngimmato met iti non-food inflation gapo iti ngimmina a gastos ti pabalay, danum, kuryente, gas, ken langis.
Agtaltalinaed latta ti binulan nga inflation iti 0.2% ken iti core inflation iti 2.2% para kadagiti uppat a nagsasaruno a bulan.
Gapo iti dayta ket manamnama a lalo pay a bumaba ti inflation ita a tawen 2025 sakbay a makasubli ti target, bayat nga agtultuloy met iti BSP iti panangitandudo ti makabael a presyo para ti napaot a panagrang-ay ti ekonomiya.
