Naduktalan ti inem nga Chinese balloons iti asideg ti Taiwan idi kalman, Biernes, Pebrero 7.
Adda dayta iti tengnga ti agtultuloy a panangpilit ti militar ti Beijing iti isla a kunada a paset ti teritoriada.
Sigun iti Taiwanese Defense Ministry, innem a Chinese balloons ti nasipdutan iti uneg ti 24 nga oras agingga iti alas sais ti bigat, oras idiay Taiwan idi Biernes.
Mainayon pay ket dagiti siam nga aircraft ti China, innem a warships, ken dua nga official ships ti China iti isu met laeng a panawen iti asideg ti Taiwan.
Nupay kanayon a makita dagiti kasta a balloon dagiti Chinese kadagiti danum iti Taiwan, ti baro a grupo dagiti balloon ti China ti maysa kadagiti kaaduan a nairekord.
Sigun iti di nainaganan nga opisial ti US, kabaelan ti balloon ti mangurnong iti electronic intelligence manipud kadagiti military sites a pagtayabanna ken itransmit na ti datos nga agsubli idiay China.
Nupay kasta, nalawag nga imbaga ti Chinese Foreign Ministry a ti kasta a balloon ket kangrunaanna a maus-usar para kadagiti meteorological purposes ken limitado ti abilidadda a mangkontrol iti direksion a papanan na.
