Impakdaar ti Iran a balesen da iti Israel kalpasan iti pannakatay ti uppat a soldado gapo iti airstrike da.
Kinuna met ti Israel a no agibales ti Iran ken nakarkaro a dakdakkel iti bayadan da.
Ti kumarkaro a tension iti Middle East ket pagdagdanagan ti Estados Unidos, Alemania ken Britania kalpasan ti nasaknap a suporta para iti ceasefire.
Inpakaammo ni US President Joe Biden a liklikan ti panangbomba kadagiti nuclear ken oil facilities ti Iran a segun iti International Atomic Energy Agency ket awan ti nuklear a naapektaran iti panangraut ti militar ti Israel.
Ti panagsusuppiat ket pagdandanagan unay dagiti pagilian ti Europa, inawagan da iti mailadawan a ‘uncontrollable escalation’.
Bayat a kinondenar dagiti kabangibang a pagilian ti Iran ti strike nga inaramid ti Israel, inkari ti Iran ti agibales gapu ta karbenganda a salakniban ti pagilianda.
Immuna met a nangipatayab ti Hezbollah kadagiti rocket salvo iti lima a residential areas idiay Northern Israel, segun iti Israeli army, 80 kadagitoy ti na-project da idi Sabado.
Iti sabali a bangir, pinasingkedan ti Iran a ti strike nga inaramid ti Israel ket nangdadael iti bassit a military sites da iti Capital ken sumagmamano a probinsia.
Segun iti general staff ti Iran, karaman ti radar system da kadagiti nadadael.
Kabayatanna, kummidaw met ti counterpart na ni Iran Foreign Minister Abbas Araghchi idiay Egypt, Qatar, ken Syria.
