Agtultuloy ti panangpatudo ti missiles ti pagilian nga Iran kadagiti nagduduma a paset ti Israel.
Sumagmamano met kadagiti natamaan a nangigubuay ti panagbettak ken uram ket sadiay Tel Aviv ken Jerusalem.
Segun iti Iran, ti addang ket kas sungbat ken panangibales da para ti panagraut ti Israel.
Kabayatanna, naharang met ti Israel dagiti sumagmamano a rockets babaen ti nalatak nga Iron Dome da.
Iti biang met ti Iran, impannakkel da a natamaan da dagiti dadduma a military sites ti Israel. Nakarurodan daitoy ni Israeli Defense Minister Israel Katz gapo kadagiti nairaman a sibilyan.
Ti panagraut met ti Israel ket nakatayan dagiti nangangato a lider ti Iran kas isuda General Hossein Salami, commander-in-chief of Iran’s Revolutionary Guard; ken ni Major General Mohammad Bagheri, nangato metlaeng a military official. Inakusaran ti Israel ti Iran para ti panangisagana ti nuclear program da a pangraut kenkuada, banag a dagos da met a pinaglibakan.
