Inaklon ti Israel military a naaddaan da ti panagbiddut iti insayangkat da a panagraut iti Central Gaza, kalpasan a natay dagiti 10 nga indibidual pakaraimanan dagiti innem nga ubbing.
Segun iti Israel military, naaddaan ti ‘technical error’ iti strike da nga iti kuma target ket dagiti Islamic Jihad “terrorist”.
Maipagarop a sabali iti nakatennagan dagiti missiles ken saan a timama iti target.
Impasigurado ti Israel Defense Forces (IDF) a pagsungbaten da dagiti adda iti likudan ti nasao nga insidente.
Imbutaktak met ti Civil Defence Agency ti Gaza nga addaan ti 19 a Palestino iti pimmusay iti kabarwan nga air strikes ti Israel kadagiti residential buildings idiay Central Gaza. #
